Një qytetar ka rënë pre e krimit kibernetik, pasi është mashtruar nga një faqe në fb e cila pretendonte se shiste valixhe udhëtimi për vetëm një euro.
Në reklamën e tyre të sponsorizuar, thuhej se aeroporti ka shkarkuar magazinën dhe këto valixhe të humbura të mbushura me sende të ndryshne dhe pajisje elektronike po shiten për çmimin qesharak 1 euro.
Qytetari përmes një denoncimi në JOQ Albania, tregon se ka rënë pre e mashtrimit duke futur të dhënat e llogarisë bankare për të paguar valixhen 1 euro, por më vonë ka marrë një njoftim nga banka për tërheqjen e 50 dollarëve pa dijeninë e tij.
Në këto rrethana ai është detyruar të mbyllë llogarinë bankare që mashtruesit të mos i marrin më shumë para.
Ai iu bën thirrje shqiptarëve që të kenë kujdes nga mashtrime të tilla dhe të mos kenë fatin e njëjtë me të.
Denoncimi i qytetarit:
Përshëndetje po ju shkruaj për njoftimin që keni nxjerr është shum e vërtet mashtrim i madh un rash pre r mashtrimit dhe e bleca një për 1 Euro dhe sot mar njoftim nga banga që më jan terhecu 50 Dolla nga ky mashtrimi dhe u detyrova të mbyll kartën e bangës që të mos më marin më shum. Shpresoj mos të ken fatin tim dhe të tjerët mos u besoni këtyre mashtrimeve.
