Ashtu siç e paralajmëroi një ditë më parë Boldnews, kryekomisioneri Ilirjan Celibashi “fali” ditën e sotme kryebashkiakun e Kuçovës, Kreshnik Hajdari, duke marrë vendimin për të mos e shkakruar edhe pse ai ka mashtruar në formularin e dekriminalizit, duke mos e bërë me dije dënimin që ka patur në Greqi.
I pranishëm në momentin e dhënies së vendimit në KQZ ka qenë i pranishëm dhe ish-deputeti i PD-së, Lefter Maliqi, i cili ka reaguar ashpër ndaj Celibashit. Ai e quajti vendimin si të turpshëm dhe skandaloz, teksa iu drejtua kryekomisionerit se nëse ka marrë para, kjo gjë do të dalë një ditë.
Duke e quajtur Celibashin si “bandit të shtetit”, Maliqi shtoi se ka ardhur kohë që të gjithë të largohen nga vendi.
“Po tani që ua pruri Prokuroria e Përgjithshme provën, ça do bëni ju? Po në 2017 që e dëbuan ata, ça do bëni ju? Po pse kështu e edukon ti vajzën tënde e unë vajzën time? Meqënëse kanë mbaruar të dyja drejtësi kriminale europiane. Nëse ka marrë para është një tur,p do të dalë një ditë. Diktaturë e pastër. Turp, skandal, bandita të shtetit, turp i madh, na ruhet që kemi mbaruar me dhjeta procedurë penale, të largohemi të gjithë nga Shqipëria”, është shprehur Maliqi.
