Një pjesë e një makine është përfshirë nga flakët mbrëmjen e së hënës në Leposaviç. Lajmin e ka konfirmuar ushtruesi i detyrës së drejtorit të policisë për veri, Veton Elshani. Sipas tij, ende nuk dihen arsyen e këtij rasti.
“Po e kemi një rast në Komunë të Leposaviçit. Një pjesë e një veture është kapluar nga flakët. Arsyet ende nuk dihen”, ka thënë Elshani.
Bëhet fjalë për veturën e nënkryetares së Komunës së Leposaviçit, Dragana Miletiç.
Ndërkaq, nënkryetarja e Komunës së Leposaviqit, Dragana Miletiç, para disa muajsh kishte raportuar në Polici se ishte kërcënuar, derisa kishte kërkuar edhe mbrojtje nga Policia e Kosovës. Miletiç është zgjedhur nënkryetare e Komunës së Leposaviqit, komunë kjo e cila tash drejtohet nga Lulzim Hetemi.
