Policia e Vlorës ka arrestuar një 38-vjeçar për armëmbajtje pa leje. Në vijim të operaciopnit policor të koduar “Sundimi i ligjit” është vënë në pranga shtetasi Enron Konomi alias Enrom Daupi, banues në qytetin bregdetar.
“Shërbimet e Policisë, bazuar dhe në inteligjencën informative, kanë lokalizuar në lagjen “Isa Boletini”, automjetin tip “Fiat” që drejtohej nga shtetasi Enron Konomi dhe janë vënë në ndjekje të tij. Drejtuesi i automjetit, sapo ka vënë re se po ndiqej nga Policia, ka tentuar të largohet me shpejtësi dhe ka hedhur nga automjeti, një armë zjarri pistoletë me fishekë në të, të cilën e posedonte pa leje, por pas disa minutash ndjekje është kapur dhe prangosur nga Policia.” – thuhet në njoftimin e bluve të Vlorës.
Policia ka sekuestruar në cilësinë e provës materiale armën e zjarrit pistoletë së bashku me fishekët dhe automjetin. Enron Konomi (Daupi) akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit.”
Materialet procedurale i kaluan Prokurorisë së Vlorës për veprime të mëtejshme.
