Kanë përfunduar ndeshjet e orës 21:00 të Champions League.
Ashtu siç pritej disa nga skuadrat e mëdha kanë siguruar kualifikimin për në raundin e 1/16-ve, me Bayern Munich, Real Madrid dhe Inter që kanë bërë detyrën duke fituar ndeshjet respektive.
Në Grupin D, Inter ka triumfuar në transfertën e Salzburg me rezultatin minimal 0-1.
Goli i vetëm i sfidës erdhi në minutën e 86’ të saj, ku pas një prekje të topit me dorë nga Mads Bidstrup, arbitri holandez Gozubuyuk akordon një 11-metërsh, përgjegjësinë për ekzekutimin e së cilës e merr kapiteni argjentinas, Lautaro Martinez, me “El Toro”-n, që nuk gabon dhe nga pika e bardhë ndëshkon portierin Schlager për të “vulosur” fitoren e të tijve.
Falë këtij rezultati, zikaltërit sigurojnë biletën për në fazën e 1/16-ve duke u ngjitur në kuotën e 10 pikëve. Përsa i përket austriakëve të Salzburg, këta të fundit ndodhen në vendin e 3-të në grup me 3 pikë dhe ashtu si Benfica janë zyrtarisht jashtë UEFA Champions League.
Në Grupin C, Real Madrid triumfoi në shtëpi me rezultatin e pastër 3-0 ndaj Bragas.
Mysafirët patën mundësinë e artë të kalonin në epërsi në minutën e gjashtë të ndeshjes, por Djalo dështoi të shënonte nga penalltia.
Në minutën e 27-të, Brahim Diaz kaloi vendasit në epërsi, pas asistimit të Rodrygos.
Vinicius Junior realizoi për 2:0 në minutën e 58-të, para se Rodrygo të realizonte golin e tretë të madrilenëve vetëm tre minuta më pas.
Kësisoj, Real Madridi tani kryeson Grupit C me 12 pikë (duke qenë i kualifikuar), pesë më shumë se Napoli që ndodhet në vendin e dytë.
Në vendin e tretë gjendet Braga me tri pikë, kurse Grupin C e mbyll Union Berlini me një pikë.
Në Grupin A, Bayern Munich ka mundur 2-1 Galatasaray-n duke u kualifikuar. Të tre golat e takimit u shënuan në minutat e fundit të ndeshjes. Për gjermanët realizoi dy herë Harry Kane 80′, 86 ndërsa turqit shkurtuan shifrat me Bakambu në minutën e 93-të.
Një ndeshje e cmendur ajo në Danimarkë mes Kopenhagen dhe Manchester United ku skuadra vendase ka bërë një përmbysje të jashtëzakonshme në një sfidë me plot 7 gola! Një 4-3 qe fut në lojë Kopenhagen dhe tashmë vështirëson punën e United që ka vetëm 3 pike.
Të gjitha rezultatet:
