Marvin Çuni dhe Arijan Ibrahimovic u bënë protagonistë në Serinë A pasditen e të hënës, pasi shënuan të dy në portën e Etrit Berishës, duke i dhënë Frosinones fitoren 2-1 ndaj Empolit.
Pas ndeshjes, trajneri i Frosinones komentoi edhe formën e të dy sulmuesve shqiptarë, duke theksuar se puna e tyre po shpërblehet në fushë.
Na trego pak Ibrahimoviçin…
Futbollistët duhet të reagojnë me personalitet ndaj gabimeve dhe kështu ndodhi me Ibrahimovic. Doja ta hidhja në fushë një muaj më parë, por nuk doja të rrezikoj. E shihja që rritej nga dita në ditë në stërvitje. Ka dëshirë të rritet dhe duhet të vazhdojë të punojë me të njëjtën përulësi si të javëve të fundit.
Një gol i madh edhe nga Çuni…
Sulmuesit kanë dhënë gjithmonë shumë dhe në afatgjatë janë shpërblyer. Ky ëshët shembulli i Çunit. Edhe pse nuk është stërvitur maksimalisht gjatë ditëve të fundit, sot e kam hedhur në fushë dhe na shpërbleu me nëj gol mjaft të bukur.
Ka pak Bayern edhe te Frosinone…
E vërtetë, vijnë nga ajo familje. Çuni është një qendër sulmues, që ka dëshirë dhe ilësitë e duhura për të lëvizur në të gjithë hapësirën e fushës. Duhet të jetë brenda lojës, për të shkuar më pranë portës dhe për të shënuar më shumë. Për Ibrahimovic më duket vetja si një baba dhe po mundohem ta menaxhoj ashtu siç duhet…
