Flamurtari fitoi përballë Korabit në transfertë, në ndeshjen e vlefshme për javën e 10-të të Kategorisë së Parë. Sfida e zhvilluar në Peshkopi, përfundoi me rezultatin 0-1 në favor të vlonjatëve.
Pas kësaj sfide, për mikrofoant e MCN TV ka folur trajneri i Flamurtarit, Emiliano Çela.
“Nuk mund të lë pa përmendur, pasi ishte një ambient fantastik këtu në Dibër. Ishte një nostalgji për mua pasi kam luajtur me Korabin. Organizimi i klubit, fusha, tifozeria ishin perfekte. Por unë jam tipi që tregohem i sinqertë dhe jam i drejtpërdrejtë. Arbitrimi ishte gjatë gjithë kohës tendencioz. Dorëzohem për këtë, nuk flas më. Nuk di çfarë të bëj më, nuk di kujt t’i drejtohem dhe nuk di cili vesh do të më dëgjojë. Ishte një penallti flagrante. Përsa i përket ndeshjes e futa ekipin në ekuilibër dhe doja të kapja linjat e ndërmjetme. Patjetër që pastaj kërkoja kohën limit të 4-5 sekondave për të bërë mbylljen e aksioneve. Kjo është një fitore e lojtarëve sepse këtë javë kanë pasur ngarkesë. E meritonin që t’iu qeshte buza sot. Treguan karakter dhe personalitet përballë një skuadrë shumë të fortë”, u shpreh trajneri i Flamurtarit.
