Deputeti Ervin Salianji, ka folur lidhur me tensionet e regjistruara mëngjesin e kësaj të hëne te kryesia e kuvendit, mes deputetëve të opozitës dhe gardës.
Ndërsa u ndaluan nga Garda për t’u futur në zyrat e Kryesisë për mbledhjen e grupit, deputetët e opozitës u futën nga dritaret. Lidhur me këtë veprim, Salianji shprehet se “ky ishte një akst simbolik për të treguar se nëse ka vullnet asgjë nuk ndalohet”, dhe po ashtu, për të treguar “banalitetin e agresionit të qeverisë’, që sipas tij detyron deputetët që të futen nga dritaret për të shkuar në punë.
Salianji: “Ishte akt simbolik për të treguar se nëse ka vullnet, asgjë nuk ndalohet, por dhe për të treguar banalitetin e agresionit që bën qeveria me gardën që për të shkuar në vendin e punës deputetëve u duhet të hyjnë nga dritaret. Ndodhi ndonjë gjë? Patë gjë ju? S’ka sens të ndalohet deputeti. Ishte një show i PS që të tregonte se ka forcë”.
