Një 35-vjeçar është plagosur këtë të premte në Korçë, pasi ka rënë suvaja e një pallati.
Blutë bëjnë me dije se i plagosur ka mbetur shtetasi me iniciale L.T, i cili është dërguar për ndihmë mjekësore.
“Mbrëmjen e sotme, në Pedonalen e qytetit të Korçës, është shkëputur një pjesë suvaje, nga fasada e një pallati dhe ka rënë mbi tendën e një lokali. Për pasojë është lënduar lehtë në shpatull shtetasi L. T., 35 vjeç, banues në Korçë, i cili u dërgua për ndihmë mjekësore në spitalin e Korçës”,- njofton Policia.
Grupi hetimor po punon për sqarimin e rrethanave të ngjarjes.
