Policia e Tiranës bën me dije se ka arrestuar një adleshent, pasi ka përplasur me makinë një të mitur pasditen e djeshme në kryeqytet.
Në pranga është vënë shtetasi R. T., 18 vjeç nga Tirana, i cili ditën e djeshme, rreth orës 16:00, në rrugën “Belul Hatibi”, duke drejtuar automjetin, ka aksidentuar një 2-vjeçar.
I mituri ka mbetur i plagosur dhe ndodhet në spital, në kujdesin e mjekëve, raportojnë autoritetet.
