Dortmund ka prerë biletën për në fazën e 1/8 në Kupën e Gjermanisë.
Verdhezinjtë fituan 1-0 në shtëpi ndaj Hoffenheim, në një sfidë ku formacioni i Terzic ishte disi i improvizuar. Tekniku i vendasve nga “Signal Iduna Park” kishte preferuar shumë ndryshime, duke patur parasysh që bëhet fjalë për një sfidë Kupe.
Në këtë takim vendosi një gol i Reus, pas një asisti të talentit premtues me pasaportë angleze, Jamie Bynoe-Gittens. Hoffenheim mbylli ndeshjen me një lojtar më pak, pasi Kabak u ndëshkua me kartonin e dytë të verdhë
Leverkusen nuk ndryshon linjë. Skuadra e Alonsos, pasi nisi mirë kampionatit, po shkëlqen edhe në Kupë. Sonte erdhi suksesi 2-5 ndaj Sandhausen, në Hardtwaldstadion (Sandhausen).
Në fazën tjetër ka kaluar edhe Paderborn pas fitores 1-3 në transfetë kundër Freiburg.
