Forcat tokësore izraelite kanë avancuar në Rripin e Gazës.
Brigada “al-Qassam”, krahu i armatosur i lëvizjes islamike palestineze Hamas, që kontrollon rripin bregdetar, tha se ata kishin gjuajtur me raketa antitank në njësitë izraelite në distriktin Zeitoun, në juglindje të Gazës.
Informacioni nuk mund të verifikohet në mënyrë të pavarur.
Fillimisht nuk u raportuan viktima.
Luftimet u raportuan gjithashtu në veriperëndim të brezit bregdetar, i cili është vetëm 40 kilometra i gjatë dhe midis 6 dhe 12 kilometra i gjerë.
Sot në mëngjes, ushtria njoftoi se forcat tokësore izraelite kishin avancuar sërish ne territorin e Hamasit, që nga mbrëmja e së premtes.
Avionët dhe helikopterët sulmues goditën qindra objektiva, një prej ndërtesave i përkiste Hamasit, në të cilën ishin strehuar më shumë se 20 luftëtarë.
Përveç kësaj, u shkatërruan pozicione antitank dhe instalime të tjera ushtarake.
