Një shtetas 65-vjeçar, ende i paidentifikuar është përplasur për vdekje mbrëmjen e së dielës në ‘baypassin’ Pluk – Savër në Lushnje.
Viktima ka dashur të kalojë nga njëra anë e rrugës në krahun tjetër, por pasi ka kaluar trafikndarësen është përplasur fatalisht nga një automjet që kalonte në autostradë. Drejtuesi i mjetit me targa AA 666 xx tip Toyota udhëtonte drejt Fierit së bashku me bashkëshorten dhe dy femijët, një vajzë e një djalë.
Policia në vendngjarje po dokumentojnë ngjarjen dhe po disiplinojnë trafikun. Edhe ambulanca është në vendngjarje për të marrë trupin e viktimës.
Siç mund të shihni nga pamjet e publikuara më poshtë trupi i viktimës ndodhet ende i shtrirë në tokë ndërsa pranë tij ndodhen efektivët e policisë.
Errësira në këtë pjesë të autostradës, por edhe mënyra sesi përdoret nga banoret për të kaluar nga një anë në tjetrën në mungesë të mbikalimeve apo nënkalimeve.
PAMJE TË RËNDA NGA VENDI I NGJARJES:
Njoftimi i Policisë:
“Fier/Informacion paraprak
Më datë 29.10.2023, në aksin rrugor Plug-Saver, shtetasja A. J., 28 vjeçe, duke drejtuar automjetin tip “Toyota”, ka askidentuar një shtetas ende të paidentifikuar, rreth 65 vjeç, i cili si pasojë ka ndërruar jetë në vendngjarje.
Drejtueses së automjetit i është bërë testi i alkoolit dhe ka rezultuar që nuk kishte konsumuar pije alkoolike.
Grupi hetimor nën drejtimin e Prokurorisë po punon për sqarimin e rrethanave të aksidentit, si dhe identifikimin e 65-vjeçarit që humbi jetën.”, njofton policia.
VIDEO – Aksident me vdekje në autostradën Lushnjë-Fier, PAMJE të rënda
