Kategoria e Parë luan sot të gjitha ndeshjet e javës së nëntë të saj, me sfida shumë interesante të cilat mund të thonë shumë për vijimësinë e sezonit për skuadrat.
Sfida më interesante është padyshim ajo e Fierit, ku Apolonia e vendit të dytë pret Bylisin kryesues.
Ballshiotët janë shkëputur në kreun e renditjes në këto javë dhe fierakët do të mundohen të ndalin vrullin e tyre, para se të bëhen të pakapshëm për të tjerët në luftën për ngjitjen në Superiore.
Elbasani do të mundohet t’u kthehet fitoreve në sfidën që luan në shtëpi përballë Tomorit, teksa Flamurtari luan në transfertën ndaj Burrelit me objektivin e qartë për të vazhduar ngjitjen hap pas hapi në renditje siç ka bërë në javët e kaluara.
