Një person ka hapur zjarr me një pushkë AR-15 në tre zona të ndryshme të Lewiston, qyteti i dytë më i madh i Maine, dhe ka shkakton një masakër.
Numri i përkohshëm është të paktën 22 të vdekur dhe 50-60 të plagosur, por burime pranë policisë paralajmërojnë se mund të përkeqësohet në orët në vijim.
Sulmuesi, i identifikuar si 40-vjeçari Robert Card, një ish-instruktor i armëve ushtarake, është ende në arrati. Policia, me ndihmën e FBI-së, është përfshirë në një gjueti të pamëshirshme.
Banorët janë urdhëruar të qëndrojnë brenda dhe të mbyllen brenda sepse sulmuesi është “i armatosur dhe i rrezikshëm”.
“Ju lutemi qëndroni në shtëpi, nëse shihni ndonjë aktivitet apo individë të dyshimtë telefononi 911”, ishte mesazhi i publikuar menjëherë nga policia.
Policia publikoi gjithashtu një foto të sulmuesit të armatosur dhe një imazh të makinës së tij, një Subaru Outback i bardhë, duke shpresuar se dikush do ta njohë atë dhe do të lehtësojë kapjen e tij.
