Një 32 vjeçar është arrestuar ditën e sotme në në Tropojë pasi i janë gjetur në makinë një sasi kanabisi si dhe sasi eurosh dhe lekësh të cilat dyshohet se janë përfituar nga shitja e saj.
“Në Bajram Curri, është ndaluar për kontrolle, automjeti me drejtues shtetasin A. Ç. dhe ku ishte pasagjere një 16-vjeçare. Gjatë kontrolleve, u gjetën dhe u sekuestruan në cilësinë e provës materiale, një sasi lënde e dyshuar narkotike cannabis sativa, 450 euro dhe 40 000 lekë që dyshohet se janë përfituar nga shitja e lëndës narkotike” – njofton Policia.
Arrestimi i tij u krye në kuadër të megaoperacionit “Tempulli”.
