Vitet kalojnë, por klasi mbetet. Një fakt që e dëshmon edhe Cristiano Ronaldo. Megjithëse në moshën 38-vjeçare, ylli portugez po tregon gjithmonë e më shumë cilësitë e tij, që e kanë ngjitur prej kohësh në majën e futbollit botëror.
5 herë fituesi i Topit të Artë po përjeton një rini të dytë në Arabinë Saudite, teksa pas golit spektakolar nga goditja e dënimit disa ditë më parë, sot shënon një tjetër gol po aq mbresëlënës.
Ronaldo ka hyrë nga krahu i djathtë i sulmit drejt qendrës dhe më pas ka lëshuar një predhë me të majtën e tij.
Stop that Cristiano Ronaldo. https://t.co/PnsXPr3fWN
— Stop That Football (@stopthatfooty) October 24, 2023
Megjithëse goditja erdhi nga këmba e tij më e dobët, realizimi ishte i përsosur.
Ronaldo shënoi përsëri një tjetër supergol në minutën e 81-të, duke kontribuar kështu në fitoren 4-3 të Al Nassr-it kundër Al Duhailit takim i vlefshëm për fazën e grupeve të Ligës së Kampioneve në Azi.
GOLI I DYTE I RONALDOS | VIDEO
