Policia e Krimit Ekonomik dhe Financiar në Tiranë ka arrestuar një grua, e cila akuzohet se nëpërmjet mashtrimit ka përvetësuar një shumë prej mbi 8 mijë eurosh. Në pranga është vënë shtetasja Lumturie Gjana, 56 vjeçe, banuese në Tiranë.
“Kjo shtetase dyshohet se nëpërmjet mashtrimit, ka përvetësuar shumën 8850 euro, me pretendimin se do të ndihmonte një shtetase 50-vjeçare, për plotësimin e dokumenteve të nevojshme, për pajisjen me pasaportë bullgare, për fëmijët e saj.” – thuhet në njoftimin e Policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
