Vetëm 8 minuta i kanë mjaftuar “bavarezëve” të Bayern Munich për të tundur rrjetën e “luanëve” të Galatasaray, në përballjen e vlefshme për grupin A, të UEFA Champions League.
Një aksion model i “bavarezëve” finalizohet më së miri nga “ylli” francez, Kingsley Coman, me këtë të fundit, që pasi merr një pasim perfekt nga Leroy Sane tund me një diagonale “të hidhur” rrjetën e portierit Muslera.
Por turqit do të reagonin në minutën e 28-të, me anë të Mauro Icardit i cili barazon rezultatin pasi u tregua i saktë nga pika e bardhë e 11-metërshit.
Ndërkohë edhe Interi ka shënuar ndaj Salsburg. Një aksion model i “zikaltërve” është finalizuar më së miri nga “bomberi” kilian, Alexis Sanchez, i cili pas një pasimi të Davide Frattesi çon topin në rrjetën e austriakëve.
