Kategoria e Parë ditën e djeshme mbylli javën e 8-të të kampionatit, teksa rezultate të rëndësishme u morën nga ekipet e kreut.
Këtë javë është ndalur Elbasani i Nevil Dedez, teksa u mposhtën nga 2-1 nga Flamurtari i Emiliano Çelës.
Bylisi thellon diferencën me ndjekësin, me ballshiotët që pas fitores 1-0 me Lushnjen shkon në kuotën e 22 pikëve. Me 5 pikë më pak ndjek Apolonia që gjithashtu fitoi 3-0 ndaj Luzit. Elbasani mban vendin e 3-të me 16 pikë, ndërsa Vora dhe Flamurtari ndodhen në kuotë të njëtë pikësh, 15.
Skuadra e Artan Mërgjyshit mposhti 3-2 Kastriotin në Krujë, duke marrë një rezultat të rëndësishëm këtë javë.
Edhe Korabi triumfoi 1-0 ndaj Burrelit, me ekipin nga Peshkopia që ndodhet në vendin e 6-të në klasifikim.
Siç duket edhe nga tabela një “luftë” e fortë do të bëhet mes ekipeve për vendin e 2-të në klasifikim që të siguron edhe ngjitjen në Superiore për sezonin e ardhshëm.
Tomori ka grumbulluar 10 pikë pas 8 ndeshjesh, me 9 pikë ndodhet Kastrioti. Lushnja ka 7 pikë, 5 ka Besa e Kavajës, 4 Burreli dhe vetëm 2 pikë ka grumbulluar Luzi që mban edhe vendin e fundit në tabelën e klasifikimit.
