Një qytetar banues në Sarandë, është proceduar penalisht këtë të dielë nga policia, pasi akuzohet për dëmtim të varrezave publike.
Sipas disa pamjeve të bëra virale në rrjet, bariu e kulloste lopën e tij në varrezat e qytetit duke shkaktuar shqetësim tek qytetarët.
Përmes një njoftimi zyrtar policia bëri me dije se arriti të identifikojnë pronarin e lopës, i cili është proceduar në gjendje të lirë për dhunim të varreve publike.
“Nisur nga shqetësimi i publikuar sot në faqen e portalit Sarandaweb, ku përmes fotove shihen disa lopë që janë futur brenda rrethimit të vorrezave publike në lagjen nr 3, sherbimet policore e ndoqën me vëmendje rastin. Për rrjedhojë u bë shoqërimi i shtetasit Z. Ç. me banim në këtë lagje, i cili për shkeljen e krijuar do të procedohet në gjendje të lirë për veprën penale “Dhunimi i varrezave publike”,- thuhet në njoftim.
