Kreu i Partisë Demokratike, Sali Berisha ka folur për mediat pas përjashtimit të tij për 10 ditë nga Parlamenti.
Ky vendim u morr nga komisioni i Etikës, pasi ai dhe 26 deputetë të tjerë të opozitës bllokuan foltoren, duke e bërë të pamundur zhvillimin e seancës parlamentare ditën e sotme.
“Kjo ditë shënon një fillim të ri për opozitën, shënon fillimin e qëndresës së saj me të gjitha format e një beteje deri te mosbindja civile, forma të ndryshe të grevave dhe të protestave të cilat duhet të rikthejnë parlamentarizmin dhe votën e lirë për shqiptarët. Ky parlament është fiktiv, opozita në parlament është fiktive, 6 komisione hetimore parlamentare janë refuzuar në shkelje flagrante, pasi të gjitha të çojnë te Edi Rama”,-tha Berisha.
Më konkretisht, Komisioni i Etikës ka marrë masa disiplinore ndaj: Sali Berishës, Flamur Nokës, Albana Vokshit, Xhelal Mziut, Gazment Bardhit Bledion Nallbatit, Edmond Spahos, Saimir Korreshit, Lindita Metaliaj, Ramadan Likajt, Luan Baçit, Lefter Gështenjës, Ina Zhupës, helidon Bushatit, Isuf Çelës, Asllan Dogjanit, Bujar Leskajt, Ludovik Hasanit, Tritan Shehut, Greta Bardelit, Dhurata Çupit, Sorina Kotit, Kastriot Pirolit, Kasëm Mahmutajt, Tomor Alizotit dhe Qani Xhafajt.
