Një ngjarje e rëndë është regjistruar pasditen e kësaj të shtune në Durrës, ku një vajzë në moshë të re është hedhur nga pallati dhe ka gjetur vdekjen e menjëhershme.
Ngjarja ka ndodhur në lagjen 18 të qytetit bregdetar, teksa viktima është shtetasja A. B., 33 vjeçe, e cila vuante nga probleme të shëndetit mendor.
Forca të shumta policie kanë mbërritur në vendngjarje dhe po hetojnë mbi zbardhjen e rrethanave.
Njoftimi:
Pasditen e sotme, në lagjen nr.18, Durrës, dyshohet se është vetëhedhur nga kati i tetë i një pallati, shtetasja A. B., 33 vjeçe, e cila vuante nga probleme të shëndetit mendor, si pasojë ka humbur jetën.
Grupi hetimor vijon punën për dokumentimin e plotë të rrethanave të kësaj ngjarjeje.
