Zv/drejtori i Përgjithshëm i Policisë Sokol Bizhga prezantoi këtë të enjte drejtorin e ri të Drejtorisë Vendore të Policisë Shkodër, Edmond Sulaj. Ai zëvendëson në këtë post Ervin Hodajn.
Ndërsa ky i fundit, me urdhër të Drejtorit të Përgjithshëm të Policisë së Shtetit transferohet dhe emërohet Drejtor për Hetimin e Krimeve të Rënda në Departamentin e Policisë Kriminale, në Drejtorinë e Përgjithshme të Policisë së Shtetit.
Ndryshimet sipas Policisë, janë bërë “me qëllim dhënien e impulseve të reja, në drejtim të zbulimit dhe të dokumentimin të krimeve të rënda”.
Pak javë më parë, kryepolici Muhamet Rrumbullaku firmosi një sërë ndryshimesh pas disa ngjarjeve të rënda kriminale.
