Artan Hoxha ka shpjeguar se kush është Gëzim Çela, koka e një prej grupeve kriminale të goditura gjatë megaoperacionit të sotëm, ku mori pjesë edhe Frontex dhe Guardia di Finanza.
I ftuar në emisionin “Të Paekspozuarit” në MCN TV, Hoxha tha se ndërkombëtarët u përfshinë për shkak se dyshohet se bëhej fjalë për 2.5 ton kokainë.
Gazetari shpjegoi “karrierën” kriminale të Çelës dhe pse ka marrë titullin “baroni i drogës”.
“Gëzim Cela ka histori të gjatë me ligjin në Shqipëri. Është akuzuar edhe si ish shoqërues i kryeministrit të majtë në atë kohë, është akuzuar nga drejtësia italiane për shfrytëzim prostitucioni, trafik lëndësh narkotike dhe vrasjen e dy karabinierëve italianë. Grupi kishte 14 shqiptarë, 4 italianë dhe një ukrainas.
Ai u arrestua në Shqipëri, ishte dënuar në vitin 2003 me 11 vite burg. U konvertua në Shqipëri dhe arriti ta bindë gjykatën që vuante nga sëmundje e pashërueshme. Për këtë shkak gjykata e liroi.
Pasi doli nga burgu, nuk u kap më. Në 2006 ky u dënua me 6 vite burg për trafik heroine. Ka dalë nga burgu në shtator 2012. Turqia e ka sjellë në Rinas. Sapo ka ardhur e ka arrestua drejtësia shqiptare. Nuk e di në cfarë rrethanash doli, por doli.
Para operacionit ntë Lazarat, doli Tahiri në konferencë, ky është personazh, edhe emrin e ka baroni i drogës dhe i ka shpëtuar drejtësisë.
Gëzim Cela ka qenë efektiv i forcave speciale. Është dënuar në Itali, Turqi, Shqipëri. Dhe doli.
Në 2014, bëhet një operacion tjetër, u kap 7kg kokainë. Ai ishte korrieri që e transportonte nga laboratori në Kosovë, në laboratorin në Fushë Kuqe. Në Kosovë u kap kimistja, “tezja e kokainës”. Në Shqipëri, gjatë kontrollit që u bë në banesën e Celës, u gjet heroinë, kanabis, lëndë kimike që përdoret për kokainën. U akuzua se kishte krijuar rrjet që niste nga SHBA, Turqi, Kosovë. Kishte laborator në Shqipëri dhe në Kosovë.
Ky ka qenë i specializuar për trfikun e heroinës, gjatë rrugës është futur edhe te kokaina.
Cela është dënuar me 18 vite burg, por nuk është kapur, ka vijuar aktivitetin e tij.
Ai ka qenë i përfshirë në fushata elektorale.
KA qenë në një vaki. Është njeri me shumë lidhje të forta, prandaj ka qenë i vështirë për tu kapur”, tha ndër të tjera Hoxha.
