Presidenti i Shteteve të Bashkuara të Amerikës ka adresuar në një konferencë për shtyp situatën në Izrael.
Kreu i Shtëpisë së Bardhë deklaroi se Shtetet e Bashkuara qëndrojnë me Izraelin.
“Nuk ka asnjëherë justifikim për sulmet terroriste,” tha Biden në fjalimin e tij nga Shtëpia e Bardhë, ku dënoi grupin militant Hamas për fillimin e një sulmi të befasishëm ndaj Izraelit mëngjesin e së shtunës.
Ai shtoi Izraeli do të ketë mbështetjen e SHBA-së.
“Ne do të sigurohemi që ata të kenë ndihmën për të cilën qytetarët e tyre kanë nevojë dhe mund të vazhdojnë të mbrojnë veten,” tha presidenti.
Biden bëri po ashtu të ditur se kishte folur me kryeministrin izraelit teksa shtoi se mbështetja e administratës së tij për sigurinë e Izraelit “është e fortë dhe e palëkundur”.
Presidenti amerikan dekurajoi gjithashtu palët e tjera armiqësore ndaj Izraelit nga shfrytëzimi i këtyre sulmeve.
“Bota po shikon,” paralajmëroi ai.
