Energy Development Group, ka organizuar këtë të premte në Tiranë eventin më të madh të mbajtur ndonjëherë në sektorin e hidrokarbureve duke vënë theksin në resurset e naftës dhe gazit natyror në Shqipëri.
Eventi i rëndësishëm i 57-i në radhë, u organizua me prezencën e Këshillit të Energjetikës Europiane Kontinetale, dhe pjesmarrjen e mbi 90 kompanive të njohura në këtë sektor, vendase dhe të huaja.Tematika e eventit ishte sektori i energjisë, zhvillimi i industrisë së gazit dhe naftës në vendin tonë, si dhe prodhimi i energjisë elektrike në fushën termale.
Kryetarja ekzekutive e CEEC (Continental Europe Energy Councli), Helena Dobrova, e quan këtë aktivitet të madh një mundësi të artë për Shqipërinë, teksa shprehet se është një mundësi fantastike edhe për kompanitë lokale.
“Këshilli i Energjitikës Europiane Kontinentale e ka nisur rrugëtimin më 1994. Qëllimi ynë është që ta zgjerojmë fushën e veprimit jo vetëm tek nafta dhe gazi natyror por edhe tek hidrogjeni, heliumi dhe energjia solare.Për mua personalisht Shqipëria është një kalë i zi, dhe tashmë duhet ti zhvillojë dhe ti cojë përpara, të gjitha burimet që ka.
Mbi 200 pjesmarrë dhe investitorë të huaj nga Europa juglindore , Gjiri Kaspik, Shba dhe Kanada, po njihen me atë që mund ti quajmë arenat e reja të investimit.
Qëllimi kryesor i këtij eventi është që të vendosim fokusin tek Shqipëria dhe të sjellim investitorët. Kjo është një mundësi fantastike edhe për kompanitë lokale. Deri më tani kemi pjesmarrjen më të madhe në histori në këtë event”,- shprehet Debrova.
Gjatë takimit, u diskutuan gjithashtu mënyrat se si mund të përmirësohet klima e investimeve dhe të ndihmohet në rritjen e sektorit të energjisë në Shqipëri, pasi potenciali që ka vendi sa i takon hidrokarureve dhe energjisë së rinovueshme është jashtëzakonisht i madh.
Eventi krijoi gjithashtu mundësi të shkëlqyera për të krijuar një rrjet informacioni dhe për të shkëmbyer ide me operatorët e tjerë. Aktiviteti do të shtrihet për disa ditë, ndërsa përfaqësueve të kompanive më prestigjoze do ti shpaloset edhe Shqipëria e kulturës dhe bukurive natyrore.
