Mbrëmjen e sotme u luajt xhiro e dytë e ndeshjeve në grupeve në Champions League ku nuk munguan emocionet dhe spektakli.
Milanit i duhet të presë ende për golin e parë në këtë sezon. Kuqezinjtë e Piolit regjistruan një tjetër barazim 0-0, kësaj here në transfertë ndaj Dortmundit, në sfidën e vlefshme për Grupi F.
Edhe pse rastet për shënim ishin të shumta, skuadrat nuk arritën të gjenin rrugën e rrjetës duke u “kënaqur” me 1 pikë. Ndërkohë në duelin tjetër të këtij grupi, Newcastle dhuroi spektakël ndaj PSG-së të Luis Enrikes, duke triumfuar me rezultatin e thellë 4-1.
“Qymyrxhinjtë” i befasuan të gjithë duke shënuar 3 herë radhazi në portën e kampionëve të Francës. Siparin e golave e hapi Almiron, ndërsa brenda fraksionit të parë dyfishoi Burn.
Në kolaps total, ekipi i Enrique pësoi golin e 3-të me fillimin e pjesës së dytë nga Longstaff. Hernandez ngushtoi shifrat menjëherë, por parisienët nuk ia dolën dot të ktheheshin në lojë. Në fund, anglezët vulosën rezultatin në 4-1 me Schar.
Pas dy dueleve të para të luajtura, kryeson Newcastle me 4 pikë, i ndjekur nga PSG me 3, ndërkohë që Milani mban vendin e tretë me 2 pikë, ndërsa vetëm 1 pikë për Dortmundin.
Në sfidat e tjera Barça është mjaftuar vetëm me golin e Ferran Torres që në pjesën e parë ndaj Porto.
Me këtë rezultat, ekipi i Xavit kryeson me 6 pikë, më pas vjen Porto me 3 pikë.
Ndërkohë Manchester City ka fituar me shifrat 1-3 ndaj Leipzig.
Foden, Alvarez dhe Doku vendosën emrin në listën e golashënuesve te kampionët në fuqi të Europës, që pavarësisht rezultatit hasën vështirësi në Gjermani, pasi Openda ishte autori i golit të përkohshëm të barazimit.
Ekipi i Guardiolës kryeson me 6 pikë dhe është në rrugën e mbarë për kualifikimin tutje. Leipzig tashmë nuk i mbetet gjë tjetër veçse të shikojë nga ndeshja e radhës, aktualisht është e dyta me 3 pikë.
Ndeshje me mjaft emocione ka qenë ajo mes Celtic dhe Lazios me italianë të cilët triumfuan me përmbysje 1-2 në Skoci.
Furuhashi “tundi rrjetën” për vendasit, ndërsa djemtë e Sarrit përmbysën llogaritë me Vecinon dhe Pedro. Kështu, Hysaj me shokë renditet në vendin e dytë me 4 pikë, 4 pikë ka edhe Atletico në krye.
Rezultatet e mbrëmjes:
