Këshilli i Bashkisë së qytetit të Milanos në Itali ka vendosur që emri i ish-kryeministrit Silvio Berlusconi të gdhendet në Panteonin e qytetit. Emri i Berlusconi për t’u gdhendur tek Varrezat Monumentale u propozua nga Forza Italia dhe u mbështet nga shumica e qëndrës së majtë. Përveç emrit të themeluesit të Forza Italia do të jenë dhe emrat e 13 qytetarëve të tjerë të shquar të Milanos.
Ish-kryeministri Silvio Berlusconi u nda nga jeta më 12 qershor të këtij viti. Ai ka drejtuar qeverinë italiane në disa mandate, si dhe ka qenë një biznesmen mjaft i suksesshëm. Njihet dhe si themelues i “Mediaset” dhe president i klubit të Milanit për disa dekada.
Berlusconi ka pasur gjithashtu dhe një lidhje të veçantë me Shqipërinë, ku edhe ka qenë për vizitë zyrtare.
