Shqipëria e Kristian Panuçit po merr formë. Kuqezinjtë vijojnë përgatitjet me intensitet të plotë, dy seanca stërvitore në ditë për të qenë gati për miqësoren kundër Norvegjisë.Takimi i fundit i Shqipërisë, ai kundër Turqisë, ishte një sfidë që si rrallë herë kuqezinjtë e interpretuan në sulm, një ndeshje, e cila tregoi qartë se qëllimi i teknikut italian është të krijojë një Kombëtare më sulmuese, dukë thyer në këtë mënyrë një tabu gati shekullore.
Afrimet që Panuçi ka bërë në Kombëtare, janë, gjithashtu, një tregues i qartë, pasi pjesa më e madhe janë lojtarë fantazist, ose me mesfushorë me tipare të theksuara sulmuese, si rastet e fundit të Gazavajt dhe Abazajt.
Edhe gjatë seancës së fundit stërvitore u pa qartë se Panuçi kërkon të ndryshojë modul, nga ai tipik 3-5-1 provoi skemën 4-3-3. Një skemë, e cila funksionoi në perfeksion dhe pritet që ndaj Norvegjisë, Shqipëria të luajë më këtë modul, i cili pritet të jetë dhe e ardhmja e Kombëtares. Fill pas miqësores kundër Turqisë, Panuçi u shpreh se Shqipëria duhet të guxojë më shumë. Ky grumbullim po shkon në mënyrën më të mirë të mundshme pasi me grupin janë bashkuar edhe Berisha, Hysaj dhe Gjimshiti.
Ajo çka u pa qartë në seancat stërvitore ishte rëndësia që tekniku italian i kushtoi edhe goditje standarde. Përballe një kundërshtari si Norvegjia, e cila është shumë e fortë në lojën në ajër, Panuçi ka dhënë udhëzimet e duhura për të qenë gati për miqësoren e 26 marsit.
