Dy tërmete me magnitudë 3.4 dhe 3 ballë të shkallës Rihter, me dy minuta diferencë kanë ndodhur mbrëmjen e së dielës në zonën detare pranë Hidrës.
Sipas Institutit Gjeodinamik , tërmeti i parë, me magnitudë 3.4 ballë të shkallës Rihter, ka ndodhur në orën 20:58 me qendër 40 kilometra në juglindje të Hidrës, me thellësi fokale 18.7 kilometra.
Tërmeti i dytë ka ndodhur në orën 21:00 dhe ka qenë me magnitudë 3 ballë të shkallës Rihter, me qendër 42 kilometra në juglindje të Hidrës, me thellësi fokale 14.3 kilometra. Deri më tani nuk raportohet për dëme materiale apo në njerëz.
