Dy shtetase janë procduar në gjendje të lirë, këtë të premte nga Policia në Elbasan pasi akuzohen për zjarrvënie.
Procedimi ka nisur për shtetaset me iniciale Z.B, 57 vjeçe S. P., pasi ndezën zjarr në tokat e tyre dhe nga pakujdesia flakët kanë përfshirë tokat e tjera përreth duke shkaktuar dëme të konsiderueshme.
“Në rastin e 57-vjeçares, e cila akuzohet për shkatërrim të pronës me zjarr, flakët u përhapën në sipërfaqe toke me shkurre, pasi kishte ndezur zjarr për djegien e disa barishteve në tokën e saj.
Ndërsa S. P., akuzohet për shkatërrim të pronës nga pakujdesia, pasi dyshohet se aksidentalisht ka shkaktuar zjarr nga përhapja e të cilit është djegur kasollja e bagëtive të fqinjit të saj.”,- njofton Policia.
Materialet procedurale i kaluan Prokurorisë Elbasan, për veprime të mëtejshme.
