Deputeti, Luçiano Boçi, ka komentuar vendimin e PD-së së vulës, e cila ka përjashtuar 11 deputetë nga grupi parlamentar.
I ftuar në A2, Boçi u shpreh se, përjashtimi i 11 deputetëve nga grupi parlamentar është formalizimi i një vendimi të marrë kohë më parë, në kohën kur Gazment Bardhi ka qenë Sekretar i Përgjithshëm.
Boçi u shpreh se Basha nuk mund të marrë vendime të tilla me një kryesi, e cila nuk është e njohur ligjërisht. Ai theksoi edhe njëherë tjetër se Basha kërkon ta ndajë PD-së.
“Një vendim i çuditshëm për kohën dhe mënyrën si erdhi, por për mënyrën dhe sjelljen e Bashës nuk është i çuditshëm pasi në vendimet e tij ka një fill absurdi, moskoerencë politike. Edhe kur ka qenë kryetar vendimet e tij vuanin nga absurditeti, pasoja të cilat i ka vuajtur dhe vazhdon ti vuaj. Basha është shumë fraktar, kërkon të ndajë PD-në, të marrë atë pjesën e vet, të ketë një parti të tijën personale dhe në bazë të kësaj partie të plotësojë ato interesa që ka pasur dhe të tjerë që i ka tani.
Basha nuk mund të marrë vendime të tilla me një kryesi, e cila nuk është e njohur ligjërisht, pasi ka dalë si pjesë e një kuvendi që nuk është i regjistruar. Pjesa e shpjegimeve të tjera nuk përputhet shumë sepse për Bashën shpjegimet duket sikur nuk shkojnë. Arsyeja e Bashës është kaq personale dhe kaq absurde sa sado të mundohemi të gjejmë arsye nuk do ta sqarojnë arsyen se pse u bë ky përjashtim. Mungesa e koherencës e bën Bashën një figurë që zvogëlohet gjithnjë e më shumë të zvogëlohet para opinionit”, tha Boçi.
