Deputetja e Partisë Demokratike, Jorida Tabaku, ka reaguar ditën e sotme lidhur me çmimin e karburanteve në vend. Përmes një postimi në rrjete sociale, Tabaku ka akuzuar qeverinë për mos menaxhimin e situatës dhe si favorizuese në tregun e hidrokarbureve.
Deputetja ka krahasuar çmimin e karburanteve në Shqipëri, Slloveni dhe Maqedoninë e Veriut, dhe rezulton se vendi ynë ka koston më të lartë. Tabaku shprehet se një nga shkaqet kryesore për rritjen e çmimit është dhe mungesa e konkurrencës.
Postimi”
Gangrena e çmimeve të karburanteve vazhdon 3 shembujt e ditës së sotme
– RMV 1.35 cent/litër
– Sllovenia 1.65 cent/litër
– Shqipëria, sigurisht më e larta 1.93 cent/litër
Taksat janë arsyeja kryesore. 60% e çmimit sot janë taksa. Por nga ana tjetër ne nuk kemi konkurrencë. Sot kemi monopol I cili në të gjitha hallkat e transportit, shitjes, tregtimit përcaktohet nga pak kompani
Çfarë të keqe ka nga konkurrenca? Liria e tregut? Çfarë të keqe ka nga ndryshimi sistemit?
Për të hapur sa më shumë operatorë? Pse duhet patjetër të kemi ato pak kompani që përcaktojnë çdo gjë edhe që detyrojnë dhe më të vegjlit të vijnë pas?
Kush humb në fund të ditës? Qytetari sigurisht
