Hakmarrja, është pista kryesore që janë përqëndruar hetimet për zbardhjen e vrasjes së 38-vjeçarit Fatjon Dervishi mesnatën e kaluar në Sukth.
Viktima është person pa precedent por, vëllai i tij, është i akuzuar për zhdukjen e një personi tjetër.
Ngjarja ka ndodhur jashtë kufijve të Shqipërisë, ndërsa hetuesit nuk përjashtojnë që ekzekutimit të ketë lidhje me këtë ngjarje.
Po hetohet po ashtu lidhur me konfliktet e mundshme që mund të ketë pasur vetë 38-vjeçari.
Përsa i përket dinamikës së ngjarjes Dervishi nuk ka qenë i vetëm në makinë kur është qëlluar me armë zjarri. Ai ka qenë i shoqëruar nga një mik i tij kur është qëlluar me breshëri kallshnikovi, në zonën e shinave.
I marrë në pyetje si dëshmitar okular, miku i viktimës është shprehur se ata kanë qenë në makinë, kur janë qëlluar me breshëri automatiku.
Ndërkohë që policia dhe prokuroria e Durrësit, që po punojnë për zbardhjen e kësaj ngjarjeje kanë sekuestruar disa kamera sigurie të banesave, por dhe bizneseve ne Sukth, me qëllim identifikikimin e ndonjë gjurme nga ana e autorëve.
