Detaje të reja kanë dalë në dritë nga vrasja me armë zjarri që ndodhi pak pak mesnate në Sukth të Durrësit, ku viktimë mbeti Fatjon Dervishi.
Mësohet se 38-vjeçari, është qëlluar me breshëri plumbash në zonën e njohur si Katund, Sukth. Ai ishte duke drejtuar makinën, ndërsa shoqërohej nga një shoku i tij, i cili nuk është prekur nga plumbat.
Ndërkohë raportohet se Fatjon Dervishi, është nipi i “Arapit të Sukthit”, një personazh i njohur ky për drejtësinë.
Ky i fundit njihet si person me precedent kriminal në trafikun e lëndëve narkotike dhe i skeduar për vrasje. ‘Arapi i Sukthit’ në vitin 1991 është akuzuar për vrasjen e A.Cyrbja.
Ndërkohë, mësohet se viktima është banor i zonës Katund Sukth dhe nuk është person me precedent të mëparshëm penal.
