Mazhoranca rrëzon kërkesën e opozitës për të ndryshuar ligjin e komisioneve hetimore, që është edhe një nga tre kushtet për rikthimin e marrëdhënieve normale me parlamentin.
Ndryshimet në ligjin ‘për funksionimin e komisioneve hetimore’, synojnë heqjen e mundësisë së bllokimit të punës së komisioneve nga mazhoranca.
Ndryshimet në ligjin ‘për dekriminalizimin’ lidhen me rastet kur deputetët, të cilët arrestohen në flagrancë për vrasje apo tentativë vrasje, të pezullohen nga aktiviteti i parlamentit, deri në dhënien e një vendimi nga gjykata. Nisma ligjore u nxit nga rikthimi në Kuvend në muajin shkurt, i deputetit socialist Armando Prenga, i përfshirë në një konflikt të armatosur ne shtator te vitit te kaluar.
I pranishëm ishte edhe deputeti demokrat Gent Strazimiri, njw nga nismwtarwt pwr ndryshimet nw ligjin e dekriminalizimit, i cili mbante pistoletw gjatw protestës tw Parku i Liqenit.
Me pjesëmarrjen e saj në komisionin e Ligjeve, opozita thyu kështu bojkotin disajavor që opozita i ka bërë veprimtarisë së Kuvendit. Kushti tjetër i vendosur nga opozita e djathte lidhet me zbatimin e vendimeve të Gjykatës Kushtetuese në rastet e shqyrtimit te vlefshmërisë së mandateve të deputetëve socialistë, Valentina Leskaj dhe Rakip Suli, qe akuzohen nga PD se kanë përfituar fonde publike, duke shfrytëzuar postin e tyre si deputetë të Kuvendit.