Familja e efektivit të policisë së Kosovës, i cili ndërroi jetë pasi u sulmua me armë nga disa persona në orët e para të mëngjesit të sotëm, ka reaguar për ngjarjen.
Në një postim në rrejetet sociale, familjarët shprehen se Afrim Bunjaku vdiq në krye të detyrës duke mbrojtur integritetin territorial të Kosovës, të cilën e bëri me krenari deri në frymën e fundit.
“TË VDESËSH PËR ATDHE ËSHTË SIKUR TË RILINDËSH PËRSËRI. Të nderuar miq, të dashur familjarë, Sot, në orët e hershme të mëngjesit erdhi një lajm i kobshëm për familjen tonë Bunjaku nga Samdrexha e Vushtrrisë.
Familjari jonë *AFRIM BUNJAKU* , Rreshter në policinë e Kosovës është vrarë derisa ndodhej në detyrë, në veriun e Kosovës, në mbrojtje të integritetit territorial dhe sovranitetit të vendit gjë të cilën e bëri me nder e krenari deri në frymën e fundit. E pikëlluar familja Bunjaku nga Samadrexha e Vushtrrisë”, thuhet në njoftim.
