Tre persona në Korçë akuzohen se kanë marrë 23 refugjatë peng në një banesë të braktisur. Fillimisht ata janë nisur për t’i transportuar në mënyrë të paligjshme dhe më pas i kanë kërcënuar duke iu hequr lirinë në këmbim në 10 mijë eurove.
Kristiano Ajasllari, 38 vjeç, Adri Levendi, 24 vjeç dhe Esli Levendi, 23 vjeç u arrestuan.
Gjatë ndjekjes një prej të arrestuarve nuk iu bind urdhrit të punonjësve të Policisë për të ndaluar, ndërsa tjetri posedonte shkop metalik në automjet, njoftoi policia.
3 automjete, 3 aparate celulare, shkopi metalik, sasi në euro dhe lekë janë sekuestruar.
