Ish-zv/ministrja e Punëve të Jashtme, Edith Harxhi, ka komentuar këtë të mërkurë kryesimin e Kryeministrit Edi Rama në mbledhjen e Këshillit të Sigurimit në OKB.
Sipas Harxhit tha se mbledhja pati vlerë për Shqipërinë, por ajo që ndodhi aty ishte një show politik ‘alla’ Enver Hoxha-Hrushov i Ramës.
“Ajo e sotshmja për mua ka vlerë, ka vlerë për Shqipërinë sa i takon vendosjes së Shqipërisë që ne e kemi nisur në 2007 në këtë axhendë të lartë ndërkombëtare, por ka një problem të madh. Ishte një show alla Enver Hoxha-Hrushov. Asgjë tjetër përveç kësaj dhe një përdorim i politikës së jashtme të Shqipërisë dhe axhendës së politikës së jashtme të Shqipërisë”, tha Harxhi.
Sipas Harxhit, në atë mbledhje duhet të ishte Presidenti.
Edith Harxhi: Mbledhja e Këshillit të Sigurimit sot vjen në një moment që normalisht aty duhet të ishte Presidenti i Republikës. Shkohet me nivelin e ministrit të Jashtëm. Në mungesë të ministrit të Jashtëm meqenëse edhe zoti Hasani është vendosur para disa ditësh si ministër i Jashtëm normalisht duhet të ishte Presidenti. Edhe ky është si rregull protokollar.
Blendi Fevziu: Pse nuk ishte presidenti?
Edith Harxhi: Sepse ishte një show politik, një përdorim i politikës së jashtme të Shqipërisë nga Edi Rama. Një show politik për të fshehur problemet e tij të brendshme dhe për të fshehur kryesisht çështjen McGonigal. Kjo mbledhje sot vjen një ditë pas kërkesës të kryesuesit të ligjeve të Kongresit amerikan drejtuar FBI-së…
