Ministri i Brendshëm i Kosovës, Xhelal Sveçla, ka komentuar deklaratën e para disa ditëve të Presidentit të Serbisë, Aleksandër Vuçiç, se shumë shpejt do ta vizitojë Graçanicën.
Ministri Sveçla tha se nëse presidenti i Serbisë tenton të hyjë pa marrë leje më parë ai do të arrestohet.
“Si po mendoni ju që dikush, shtetas i huaj mund të futet në Republikën e Kosovës pa lejen e institucioneve të Kosovës.
Pasoja është që thjesht nuk ke shtet nëse kreu i shtetit tjetër futet pa leje në territorin tënd, unë nuk besoj që Vuçiq është aq i krisur që të vijë në Kosovë pa leje.
Është çështje vendimmarrëse e Kryeministrit në qoftë se ka kërkesë, a i jep leje apo jo Vuçiqit. E, për pa leje, pastaj dihet cilat institucione merren me të”, tha Sveçla.
