Klevi Qefalija është një nga lojtarët më premtues te Tirana. Qefalija ishte protagonist me gol sot, në fitoren e bardhebluve 3-1 ndaj Skënderbeut. Pas takimit të luajtur në “Selman Stërmasi”, lojtari dha opinionin e tij për mediat.
“Mendoj se jemi ekip cilësor, merkato është e mirë, lojtarët janë në formë shumë të mirë dhe mendoj se do të ecim para me këtë ekip që kemi. Shpresoj të jap më të mirën time çdo ndeshje, duhet impenjim maksimal dhe shpresoj të bëjmë më të mirën në vijim” – Tha ai.
