Një i burgosur ka humbur jetën në QSUT. Viktima është Islam Binjaku, 62 vjeç, i dënuar me 10 vite për lëndë narkotike.
Drejtoria e Përgjithshme e Burgjeve njofton se i ndjeri është shtruar në Reanimacionin Qendror të Qendrës Spitalore Universitare Nënë Tereza më 31 Gusht Ndërsa këtë të enjte, “ka ndërruar jetë në Reanimacionin Qendror në QSUT me diagnozë Arrest Kardiorespirator”.
Ekspertët e Mjeksisë Ligjore, si dhe oficerët e policisë gjyqësore të SHKBB, po ndjekin procedurat ligjore, shtuan të njëjtat burime.
Binjaku është arrestuar në dhjetor të 2016-ës në Muriqan. Në automjetin që drejtonte, policia sekuestroi 24 kilogramë kanabis.
