Një operacion antidrogë është duke u zhvilluar këtë të enjte nga policia.
Burime bëjnë me dije se në kuadër të këtij operacioni janë arrestuar mbi 100 persona deri tani.
Mësohet se arrestimet janë bërë me urdhër të prokurorive të disa rretheve si Tiranë, Durrës, Fier, Elbasan. Për ekzekutimin e vendimeve që janë dhënë për qindra persona, po marrin pjesë RENEA, FNSH dhe qindra punonjës policie. Ndërkohë bëhet me dije se janë sekuestruar 3 kg kokainë dhe 15 kg kanabis.
Nuk dihen detaje të mëtejshme, pritet që të zbardhen të tjera informacione në vijim.
