Trajneri Luixhi di Biaxho do të ketë vetëm një mungesë për ndeshjen e radhës me Kukësin, që do të zhvillohet nesër në Elbasan.
Bëhet fjalë për kapitenin Rustem Hoxha, i cili u dëmtua në ndeshjen e javës së dy të në Korçë dhe ka nevojë për të paktën dy javë që të rikuperohet, kështu që do të mungojë ndaj Kukësit dhe gjithashtu kundër Erzenit për javën e katërt.
Me grupin e futbollistëve është bashkuar së fundmi edhe sulmuesi Patrik Bardhi, i cili ka lënë pas dëmtimin që e kishte lënë jashtë skuadre në dy ndeshjet e para të kampionatit.
Pjesa tjetër e skuadrës është në dispozicion të trajnerit italian, i cili ende nuk ka marrë pikën e parë në krye të bluve.
Kësisoj, ndeshja e nesërme me Kukësin bëhet shumë e rëndësishme për vazhdimësinë e skuadrës në kampionat.
Di Biaxho ka qenë i kënaqur për mënyrën se si lojtarët janë stërvitur, por tani pret që Dinamo të marrë fitoren e parë.
