Vijon të rritet numri i viktimave nga përmbytjet shkatërruese që kanë goditur Greqinë, teksa janë regjistruar 14 të vdekur. Mediat vendase raportojnë se një burrë dhe nëna e tij që ishin shpallur të zhdukur, janë gjetur të vdekur në zonën e Metamorfosit, në Kardicë.
Dy trupat u transportuan me një varkë të tërhequr nga një traktor, teksa të afërmit kanë shpërthyer në lot sapo kanë parë të afërmit e tyre të vdekur. Sipas informacioneve, bëhet fjalë për një 88-vjeçare dhe djalin e saj 65-vjeçar të cilët rezultuan të zhdukur.
Niveli i ujit në disa prej zonave të prekura të Thesalisë po tërhiqet dalëngadalë, duke zbuluar dalëngadalë fatkeqësitë që la pas moti i keq “Danieli”. Qytetet dhe fshatrat mbeten nën tonelata ujë dhe baltë, rrjeti rrugor në shumë vende është shembur, urat janë ndarë në dysh, shtëpitë janë rrëzuar dhe fusha Thesalian është kthyer në një liqen gjigant, ku mijëra qytetarë janë shpërngulur nga shtëpitë e tyre.
