Neymar, ishte një nga lëvizjet më të bujshme në këtë merkato vere, teksa u largua nga PSG, për tu transferuar në Arabinë Saudite, tek Al Hilal.
Në një prononcim të dhënë së fundmi, braziliani deklaroi se referuar lojtarëve të afruar, kampionati i Arabisë Saudite, është më i mirë se ai francez.
“Topi është kudo i rrumbullakët dhe futbolli luhet kudo në botë. Duke parë emrat e mëdhenj që ndodhen në këtë kampionat, me shumë gjasa kampionati i Arabisë Saudite është më i mirë se ai francez. Stërvitjet janë shumë intensive dhe unë këtu dua të fitoj tituj. Dua që me Al Hilal të fitoj sa më shumë, ndaj dhe vendosa të transferohem këtu. Niveli është i lartë dhe diferenca ndihet me afrimet e reja”, tha ai.
