Shtetasi A.Sh është gjobitur me 40 mijë lekë të rinj, pasi bëri manovra të rrezikshme në rrugët e Bulqizës. I riu kishte postuar videon në rrjetet sociale, ku me bashkëpunimin e qytetarëve, policia ka bërë të mundur identifikimin, ndalimin dhe gjobitjen e tij.
“Shërbimet e Policisë Rrugore Dibër në bashkëpunim me shërbimet e Komisariatit Bulqizë, pas publikimit të një video-je në rrjetet sociale, në të cilën shfaqet një drejtues automjeti, në kryqëzimin mes dy qyteteve në Bulqizë, duke kryer manovra të rrezikshme (drift) me automjet dhe duke u bërë burim aksidenti për vete dhe përdoruesit e tjerë të rrugës, falë veprimeve të shpejta dhe profesionale, si dhe falë bashkëpunimit të ngushtë me qytetarët, u bë e mundur identifikimi dhe shoqërimi i shtetasit A.Sh., që shafqet në video.
Për kundërvajtjen e kryer, ndaj tij u vendos masa administrative me vlerë 40 mijë lekë të rinj, për shkelje të nenit 139, pika 3, të Kodit Rrugor.”- njofton policia.
