Një person është proceduar këtë të enjte në Kolonjë, pasi akuzohet se ka tentuar të ‘zaptojë’ një copë tokë.
Procedimi ka nisur për shtetasin me iniciale S.K, banues në fshatin Barmash, pasi dyshohet se me vetëgjyqësi ka rrethuar me mur guri, një sipërfaqe toke në pronësi të një shtetasi tjetër.
“Specialistët për Hetimin e Krimeve të Komisariatit të Policisë Kolonjë referuan materialet në Prokurori ku filloi procedimi në gjendje të lirë për shtetasin S. K., banues në fshatin Barmash, Kolonjë, pasi dyshohet se me vetëgjyqësi ka rrethuar me mur guri, një sipërfaqe toke në pronësi të një shtetasi tjetër”, njofton Polica.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
