Një aksident i rëndë automobilistik është regjistruar këtë të enjte në afërsi të “Qafës së Koshovicës” në Fier
Raportohet se dy automjete janë përplasur me njëra-tjetrën dhe për pasojë kanë mbetur të plagosur dy drejtuesit e mjeteve. Më konkretisht, jë automjet tip “Mercedes Benz” është përplasur me një furgon mallrash.
Furgoni pas daljes nga rruga ka përfunduar në kanalin anësor teksa është kthyer përmbys, teksa të dy automjetet kanë patur dëme të shumta nga përplasja e fortë. Ndërkohë në këtë aks është krijuar edhe një radhë e gjatë automjetesh prej disa kilometrash. Mësohet se dy shoferët e plagosur janë dërguar me urgjencë drejt spitalit të Fierit.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
